دەرچوونى یەکەمین ڕێبەرى یاسای ژینگەیی لە کۆنفرانسێکى رۆژنامەوانیدا

لە به‌رواری 21ی کانوونی یەکەمی 2015، و لە هۆڵی هۆتێـل رامادا لە شاری سلێمانی، رێکخراوى سروشتى عێراق کۆنفرانسێکى رۆژنامەوانی رێکخست لەژێر سەرپەرشتى بەرێز د.هەڤاڵ ئەبو بکر سەرۆکى ئەنجومەنى پارێزگای سلێمانی ، بەمەبەستى دەرچوونى  یەکەمین رێبەرى یاساکانی ژینگە لە هەرێمى کوردستان – عێراق٠
لەم رێبەردا هەوڵدراوە وێنەیەکى وورد له‌و یاسا و پەیڕەوە ژینگەییانەى کە کارى پێدەکرێت لەهەرێمى کوردستان و عێراق بخرێتـە ڕوو ، وەهەروەها دەرخستنى ئەو بۆشاییە هۆشیارییەى کەبەشێوەیەکى بەرچاو هەستى پێ دەکرێت لەناو کۆمەڵگە ناوخۆییەکان و رێکخراوەکانى کۆمەڵگەى مەدەنى
جگەلەوەى ناوەرۆکى رۆژنامەى وە قائعی عێراقی  زۆر بەئاسانى  ناگاتەدەستى خەڵکی و کۆمپانیا خۆماڵی و رێکخراوەکانى کۆمەڵگەى مەدەنى   شێوازى داڕشتنى ئاسان نیە تا بگاتە بەردەستى زۆرینەى خەلک و  ئەمەش وادەکات کەزۆر پابەند نەبن بەویاسانەى کە لەبوارەکانی  خاک، هەوا و ئاودا هەیە ئەمەش ئەوه‌ دەگەینێت کە ئەم رێبەره‌ جۆرێک لەبەرچاوڕوونى دەداتە رێکخراوەکانى کۆمەڵگەى مەدەنى و کۆمپانیاکان و خەڵـك بەگشتى٠

هەر لە چوارچوێوه‌ی کۆنفرانسەکەدا ڕێبەرەکە بەسەر سەرجەم ئامادەبوواندا دەبەشکرا و زیاتر له‌ ( 38 ) كه‌س له‌ نوێنەرانی لایەنى حکومی و رێکخراوەکانى کۆمەڵگەى مەدەنى و چەند کەناڵیکى راگەیاندنى گرنگ ئامادەبوون له‌وانه‌ش
KNN, Gali Kurdistan, Kurdsat, Xendan
​
 رێکخراوى سروشتى عێراق له‌ هەوڵى به‌رده‌وامدایه‌ بۆئه‌وه‌ی ئه‌م چالاکییە رێگا خۆشکەر بێت بۆ بەدەستهێنانی کارو بەرهەمى تر پەیوەست بە داکۆکى کردن لە یاسا ژینگەییەکان٠
​