|
پەروەردەو پێگەیاندن
لە ماوەی دوو ساڵی پرۆژەکەدا زیاتر لە ٣٠٠ خوێندکار لە شەش گوندی جیاوازی سنووری پیرەمەگروون، سوودمەند بوون لە پرۆژەی داروین بۆ پەروەردەو فێرکردن و پێگەیاندنی زانیاری ژینگەیی. بەرنامەی پێگەیاندنی خوێندنگاکان بەشێوەیەکی سەرەکی جەخت دەکاتە سەر بنەماکانی ژینگەزانی و بەتایبەتیش دەربارەی پاراستنی هەمەجۆری زیندەیی و بەرنامەی ڕیسایکڵ کردنەوەی مادەکان چالاکیەکانی ئەم پرۆژەیە بە سەرپەرشتی ڕاستەوخۆی هاوکارانمان لە دامەزراوەی جیهانی ڕۆیاڵ بۆتانیک گاردنی ئێدێنبرە و بێردلایف ئینتەرناشناڵ ئەنجام دەدرێن ئامانجی سەرەکی لەم پرۆژەیە بریتییە لە پێکهێنانی بابەتێکی ژینگەیی سوودمەند و بکرێتە مەنهەجی قۆناغی بنەڕەتی لە کوردستاندا و پاشان درێژبکرێتەوە بۆ سەرتاسەری عێراق، کە لە چوارچێوەیدا خوێندکاری بەشداری پێدەکرێت لە چەندین چالاکی و گەمەی ژینگەییدا کە لەگەڵ کات و وەرزی جیاوازدا بگونجێت لە ماوەی کاری ساڵی ٢٠١٣-٢٠١٤دا کە دەکاتە دووەم ساڵی پرۆژەکە، سەردانی نزیکەی پێنج خوێندنگای جیاواز لە گوندەکانی دەوروبەری چیای پیرەمەگرووندا کراوە کە بریتین (سوورداش و شەدەڵەو هۆمەرقەوم و کانی شۆک و قەرەچەتان. لەم ماوەیەدا لەگەڵ خوێندکارانی خوێندنگاکاندا هەستاین بە دروستکردنی جێگای خواردن بۆ باڵندەکان، بە بەکارهێنانی دەبەی ئاوو گەنم، پاشان لە باخچەی خوێندنگاکان و لە ماڵی خوێندکارەکانیش هەڵواسران بۆ ئەوەی باڵندەکان، بەتایبەتی لە وەرزی سەرماو کەمی خۆراکدا، سوودی لێ ببینن |
با هێلانەی باڵندە دروست بکەین!
دروست کردنی هێلانەی باڵندە زۆر ئاسانە و لە هەمان کاتدا یەکێکە لە باشترین ڕێگاکان بۆ ڕاکێشانی باڵندەکان بۆ ناو باخچەو ماڵەکانمان. لەم پرۆژەیەدا تەنها یەک پارچە تەختە بەکاردەهێنرێت کە دەکرێت بە شەش پارچەوە. پاش تەواوبوونی دڵنیابە لەوەی لە بەرزایی درەختدا دوور لە دەستی نێچیر و ڕووناکی زۆر و بای توند، هێلانەکە دادەنێیت، شوێنێک کە ڕووبکاتە باکووری ڕۆژهەڵات هەمیشە باشترینە بۆ دانانی هێلانەی باڵندە.
